Зы дыжьынрэ домбеякъитIрэ

Краснодар крайм и Армавир къалэм самбэмрэ дзюдомкIэ и центрым иджыблагъэ щекIуэкIащ Урысей Федерацэм и еджакIуэхэм дзюдомкIэ я 12-нэ Гъэмахуэ спартакиадэм и кIэух зэхьэзэхуэр. Абы хэтащ къэралым и щIыналъэхэм ящыщу 67-м я бэнакIуэ 400-м щIигъу, я ныбжькIэ илъэс 18-м щIимыгъуауэ икIи гупи 9-у гуэшауэ. 
Килограмм 46-рэ зи хьэлъагъхэм я деж щыбанэ Унэж Темырлан зэIущIитху иригъэкIуэкIат кIэух зэхьэзэхуэм икIын папщIи, абыхэм ящыщу плIым щытекIуащ, зэпеуэхэм хухаха зэманхэр и кIэм нимыгъэсу. АдэкIэ финалым абы къыщыпэщIэтащ Мэзкуу къалэм щыщ Топтыгин Илья икIи, щыуагъэ зыIэщIигъэкIри, къытекIуащ. Ди щIалэр мыбдеж етIуанэ щыхъуащ. 
ЕджакIуэхэм я зэхьэзэхуэм домбеякъ медалхэр къыщахьащ БищIо Атхъанрэ Борэн Иналрэ. ТIури щыбанэр килограмм 66-рэ хъухэр зыхэт гупырщ.