Щыми медаль зырыз

10 ноября, 2024 - 08:00

Мэзкуу областым и Наро-Фоминск къалэм щекIуэкIащ грэпплингымкIэ Урысейм и Кубокыр къэхьыным хуэунэтIа зэхьэзэхуэ. Абы хэтащ къэралым и щIыналъэхэм ящыщу 37-м я бэнакIуэ 300-м нэблагъэ.

Къэбэрдей-Балъкъэрыр зэхьэзэхуэм цIыхуищкIэ къыщыгъэлъэгъуауэ щытащ икIи щыми медаль зэхуэмыдэхэр абы къыщахьащ. Урыс Мухьэмэдрэ Балэ Хьэсэнбийрэ я хьэлъагъ елъытауэ зыхэта гупхэм япэ увыпIэхэр щаубыдащ, Таппасханов Ислъам етIуанэ хъуащ. 
Къыхэдгъэщынщи, спортсменхэр гупибгъуу гуэшауэ щытащ икIи ахэр зэпеуащ «Грэпплинг», «Грепплинг-ги» бэнэкIэ лIэужьыгъуэхэмкIэ. Абыхэм щытекIуахэм Iэмал ягъуэтащ иджы екIуэкIыну Европей чемпионатым хэтыну. 

КЪАНШЫУЕЙ Алим.
  • 25 просмотров
Поделиться: