ЛIыхъужьым и фэеплъу

Малинников Михаил и фэеплъу  Курган щекIуэкIащ  Урысей ФССП-м и Кубокым щыщIэбэна  спорт лIэужьыгъуэ зыбжанэ къэзыубыд зэхьэзэхуэ, - къет КъБР-м щыIэ УФССП-м.

Иджы епщIанэу ирагъэкIуэкIа зэпеуэм зыкъригъэхьэлIащ Урысейм и Суд приставхэм я IуэхущIапIэм и унафэщI Аристов Дмитрийрэ Абхъаз Республикэм юстицэмкIэ и министр Барциц Анрирэ.

Кавказ Ищхъэрэ федеральнэ округым и гупым хэтащ Урысей ФССП-м и Управленэу КъБР-м щыIэм и суд приставхэу Мокъуэ Сэтэнейрэ Думай Полинэрэ.

ТекIуахэр къыщыхахащ гуп, щхьэзакъуэ зэпеуэхэм. Думай Полинэ щхьэзакъуэ зэхьэзэхуэм 2-нэ увыпIэр къыщихьащ.

Кавказ Ищхъэрэ федеральнэ щIыналъэм и гуп зэхэтым етIуанэ увыпIэр къихьащ, бжьыпэр Сыбыр федеральнэ щIыналъэм и гупым лъысри, ещанэ хъуащ Уральск федеральнэ округым и спортсменхэр.

Ди лъахэгъухэм дохъуэхъу дригушхуэу, адэкIи спорт ехъулIэныгъэ лъагэхэр зыIэрагъэхьэну ди гуапэщ.

Къыхэдгъэщынщи, зэпеэур зи фэеплъ суд пристав Малинников Михаил, судым и унэм и щIыхьэпIэм деж гранатэхэмкIэ зэщIэузэда бзаджащIэр къыщызыгъэувыIам. Абы гранатэхэм я зыр и IэпкълъэпкъымкIэ щIихъумэри, абдежым щыхэкIуэдащ, ауэ цIыху 12 къригъэлащ. Михаил къыхуагъэфэщащ ЛIыгъэм и орден дамыгъэр.