Нэхъ лъэщхэр Мейкъуапэ щызэхагъэкI

Урысей Ипщэм кёкусинкан каратемкIэ и чемпионатым ­пашэныгъэр къыщыхьыным хуэунэтIа зэхьэзэхуэ Мей­къуапэ къалэм щекIуэкIащ. Абы щызэпеуащ Краснодар крайм, Ростов, Астрахань, Волгоград областхэм, Кърымым, Кавказ Ищхъэрэм и щIыналъэхэм, Къэбэрдей-Балъкъэ­рыр яхэту, я спортсмен, щIалэхэри хъыджэбзхэри зэгъу­сэу, 470-м щIигъу. 

Ди республикэм и лIыкIуэу зэхьэзэхуэм каратист 30 щыIащ икIи абыхэм ящыщу 13-м ме­даль зэхуэмыдэхэр къыщахьащ. Я хьэлъагъ елъытауэ зыхэта гупхэм япэ увыпIэхэр щаубы­дащ Лиходедов Ярославрэ Романенкэхэ Иванрэ Максимрэ. 
Дыжьын медалхэр къахьащ Адамян Оганес, Къардэн Бес­лъэн, Мирюков Вадим, ТхьэкIумашэ Андемыр, Хьэнэ Идар, Шаваев Айдин сымэ. Джэрыджэ Еланэ, Догужий Астемыр, КIуащ Астемыр, Шыбзыхъуэ Къанте­мыр сымэ ещанэ хъуахэщ.
Зэхьэзэхуэм япэ увыпIитIыр къыщызыхьахэр хэтынущ УФ-м кёкусин-кан каратемкIэ пашэ­ныгъэр къыщыхьыным хуэу­нэтIауэ мы гъэм екIуэкIыну зэ­пеуэм. 
Ди командэм и тренерхэр ­Къармокъуэ Амурбэч, Мар­шэнкъул Къантемыр, Будай ­Казбек сымэщ.