Дахагъэм гугъуехьыр ящигъэгъупщэрт

30 июня, 2025 - 16:25

Триатлоным дихьэххэм я дунейпсо зэхьэзэхуэ «Джылы-Су Мэн» фIэщыгъэр зэрихьэу иджыблагъэ екIуэкIащ, КъБР-м Курортхэмрэ туризмэмкIэ и министерствэм и дэIэпыкъуныгъэ хэлъу.
2025 гъэм мэкъуауэгъуэм и 22-м зэхьэзэхуэр щрагъэжьащ Нартсанэ къалэм икIи ар щиухащ Бирджалы гуэлым деж. Ар Iуащхьэмахуэ километри 8-кIэ пэжыжьэщ, КъуэкIыпIэмкIэ гъэзащ, и лъагагъкIэ метр 3400-рэ хуэдизкIэ Iэтащ. Зэхьэзэхуэм хэтащ УФ-м и щIыналъэхэмрэ хамэ къэралхэмрэ я спортсмени 100-м нэблагъэ. 
КъызэдэжэмкIэ зэпеуэхэм я лъагъуэр пхыкIащ Эмануэль и хуейм, нэмыцэ аэродромым, мывэ «Iэгъэбэгухэм», щыувыIахэр СулътIан и псыкъелъэшхуэрщ. Гъуэгуанэм тета спортсменхэм ялъэгъуа дахагъ куэдым хьэщыкъ ахэр ямыщIу къэнакъым, лъакъуэрыгъажэкIэ ахэр къыщызэдэжа Джылы-Су аузым и щIыпIэ телъыджэхэри хэтыжу. 
Зэхьэзэхуэр къызэрагъэпэщащ «Экстрим Трейл Групп» гупымрэ КъБР-м ТриатлонымкIэ и федерацэмрэ. 
 

 

ХЬЭЩОКЪУЭ Алыдж.
  • 50 просмотров
Поделиться:

Читать также:

11.12.2025 - 17:00 → Спорт хъыбархэр
03.12.2025 - 14:53 → Спорт зэпеуэхэр
01.12.2025 - 10:42 → Биткаш Давид зэкIэ етIуанэщ
27.11.2025 - 16:04 → Спорт хъыбархэр
27.11.2025 - 14:00 → Нартокъуэ Вячеслав токIуэ