ЕкIуу зыкъагъэлъагъуэ

«Кубок Дона» фIэщыгъэр зэрихьэу Дон Iус Ростов къалэм щекIуэкIащ кикбоксингымкIэ урысейпсо зэхьэзэхуэ. Абы щызэпеуащ ди къэралым и щIыналъэхэм ящыщу 29-м я спортсмен, щIалэхэри хъы­джэбзхэри зэхэту, 900-м нэблагъэ. 

Къэбэрдей-Балъкъэрым зэхьэзэхуэм игъэкIуат цIыху 39-рэ икIи псоми зэхэту медаль 15 абы къыщахьащ. Илъэси 10 - 18 зи ныбжьхэм я деж, я хьэлъагъ елъытауэ щызэуа гупхэм япэ щыхъуащ Захаров Кирилл (кг 36-рэ), СэвкIуий Саид (кг 45-рэ), Къарэ Къантемыр (кг 81-рэ), Шыкъ Албэч (кг 91-рэ) сымэ. 
Дыжьын медалхэр къахьащ Лъакъуэдыгъу Алихъан (кг 42-рэ), Пэрыт Айдар (кг 48-рэ), Снежко Вадим (кг 57-рэ), Къу­мыкъу Алан (кг 71-рэ) сымэ. 
Елъкъэн Александр (кг 32-рэ), Толасов Сослъэн (кг 37-рэ), Къа­рэмырзэ Ибрэхьим (кг 66-рэ), Толасовэ Полинэ (кг 44-рэ), Къандэхъу Расул (кг 71-рэ) сымэ ещанэ хъуахэщ.
Балигъхэм я зэпеуэм (илъэс 19 - 40 зи ныбжьхэм) дыжьын ме­даль къыщихьащ Пэрыт Казимир (кг 60). Къетыкъуэ Астемыр еща­нэ щыхъуащ килограмм 71-рэ зи хьэлъагъхэм я деж. 
Ди командэр зэхьэзэхуэм хуа­гъэхьэзыращ Саралидзе Айдин, Куэшмэн Рустам, Сасыкъ Анзор, Къудейхэ Алимрэ Залымрэ сымэ.