Спортым и телъхьэхэм я зэIущIэ

«Спортыр терроризмэм и бийщ» фIэщыгъэр зэрихьэу, къэрал кIуэцI IуэхухэмкIэ органхэм я лэжьакIуэхэу зи къалэн зыгъэзащIэу 2005 гъэм жэпуэгъуэм и 13-м хэкIуэдахэм я фэеплъу, дзюдомкIэ зэхьэзэхуэ Налшык къалэм и «Гладиатор» спорт комплексым иджыблагъэ щекIуэкIащ. Абы щызэпеуащ республикэм и бэнакIуэ 200-м щIигъу. 
Зэхьэзэхуэм кърихьэлIахэм захуигъэзащ КъБР-м и Парламентым ЕгъэджэныгъэмкIэ, щIэныгъэмкIэ, физкультурэмкIэ, спортымрэ щIалэгъуалэм я IуэхухэмкIэ и комитетым и унафэщI Емуз Нинэ. 
Я хьэлъагъ елъытауэ зыхэта гупхэм япэ увыпIэхэр къыщахьащ Сыжажэ Мансур (кг 34-рэ), Биттиров Амырхъан (кг 38-рэ), Натадзе Георгий (кг 42-рэ), Мурачай Мухьэмэд (кг 46-рэ), Щоджэн Алихъан (кг 50), Мудрэн Айдэмыр (кг 55-рэ), Хъуран Iэсхьэд (кг 60), Къатинэ Инал (кг 66-рэ), Лъэужь Мухьэмэд (кг 73-рэ), Къардэн Амир (кг 73-м щIигъухэм я деж). 
Спортсменхэм я тренерхэр Иванов Дмитрий, Апхудэ Анзор, Дзухэ Беслъэнрэ Залымрэ, Къуэшрокъуэ Астемыр, Тау Азэмэт, ГъуэплъащIэ Астемыр, Бэгъуэт Мухьэмэд, Мудрэн Беслъэн, Щауэ Аскэр, Емкъуж Рустам, Мырзэ Казбек, Хъупэ Жантемыр, Соблыр Рустам, Джалабов Къейсын, ШэрыIужь Сослъэн, Борыкъуей Юрэ, Сокъур Анзор, Сэралъп Олег сымэщ.