Жылагъуэ

Урысейм и щIыналъэхэм щагъэзащIэ «ЩIыуэпс» къэрал пэхуэщIэм и сэбэпкIэ зэфIагъэувэж хэщIыныгъэ ин зыгъуэта псэущхьэхэмрэ къуалэхэмрэ я бжыгъэр. Ди республикэр къапщтэмэ, бгъэхэр нэхъ мащIэ зэрыхъуар нэрылъагъущ. Нэхъапэхэм ахэр шыгъуэгу хадэхэм ящхьэщытт, цIыхур зыкъуэхуамэ, джэдкъаз бынхэм яхэуэу. ХъупIэхэри арат - къуршыбгъэ инхэм къыпакIухьыртэкъым Iэщ цIыкIухэм. Апхуэдэ хэщIыныгъэхэр къадэкIуащ щIыуэпсым игъуэт зэхъуэкIыныгъэхэми  цIыхум абы ирих лейхэми.

ГукъэкIыж

         Иужьрей зэманым къэралыгъуэу дунейм тетыр щIы хъурейм и Ипщэ тIыгум (Антарктидэм) хуопабгъэ, абы и щэху зыщымыгъуазэхэм нэIуасэ зыхуащIын мурадкIэ.

          Антарктикэр псом нэхърэ нэхъ щIыIэ щIыпIэ нэщIщ. Дэни хуэдэу, абы ущрохьэлIэ бгыхэми  псыхэми, ауэ ахэр километритIым къыщыщIэдзауэ тхум нэсыху щIэгъэнащ зэи къэмыткIу мывэ джанэхэмкIэ. Апхуэдэ климат ткIийм емылъытауэ, абы ущрохьэлIэ дунейм и къэхъугъэ гъэщIэгъуэныщэхэм.

                                ПцIым фIым ухуишэркъым

   Урысей ФСБ-м и управленэу КъБР-м щыIэм, КъБР-м щыIэ МВД-м я лэжьакIуэхэм къызэпаудащ хамэ къэрал цIыхухэр Урысей Федерацэм хабзэншагъэкIэ къэгъэIэпхъуэныр  щIыналъэм къыщызэгъэпэщыным  пыщIа гупым ялэжьыр.   

КъызэрыщIагъэщамкIэ,  Гуляевэ М.А., Къейтыкъуэ  К.К.,  Шанкан Ваил  сымэ  КъБР-м щыIэ МВД-м   щIалъхьащ къакIуэхэм  ятеухуа хъыбар нэпцIхэр зратха дэфтэрхэр.  Ахэр я тегъэщIапIэу, IуэхущIапIэхэм щагъэхьэзыращ къэкIуэну  хуит зыщI тхылъхэр.      

Адыгэхэм нэхъапэм хабзэ хьэлэмэт куэд зэрахьэу щытащ. Абыхэм ящыщ дэтхэнэри епхащ лъэпкъым и дуней тетыкIэм, Iуэху зехьэкIэм, гупсысэм.  Абыхэм ятеухуа тхыгъэ куэд дэфтэр хъумапIэхэм щыбгъуэтынущ,  къыхощыж ахэр ди лъэпкъ художественнэ литературэми.

Урысей Федерацэми Адыгэ Республикэми я цIыхубэ артист, УФ-м гъуазджэхэмкIэ, щэнхабзэмкIэ щIыхь зиIэ и лэжьакIуэ, Адыгейм и Къэрал саугъэтым и япэ лауреат, СССР-м и композиторхэм я союзым и унафэщIу щыта  Тхьэбысым Умар къызэралъхурэ шыщхьэуIум и 16-м илъэси 104-рэ зэрырикъур тегъэщIапIэ ящIри, тхыгъэкIэ, фильмкIэ ягу къагъэкIыжащ зыцIыхуу щытахэм, щIэблэр щагъэгъуэзащ зи цIэр щэнхабзэм къыхэна цIыхум и гъащIэм. 

Сочэ къыщыкI пхъэщхьэмыщхьэ куэдым я лейщ кхъужьыр. Ахъо (инжир), хъурмэ, пIэре (киви), тIамыплъ, хьэмэрэ Бразилием къраша фейхоа… А псоми мащIэщ яхэтыр хамэщI кърамышауэ. Урысейм и Ипщэ лъэныкъуэм етпхыу дызэса пхъэщхьэмыщхьэ куэдыр ди хэкум дыгъуасэ хуэдэщ къыщихьар, илъэс щитI-щищ хуэдизкIэ узэIэбэкIыжмэ. Ауэ пасэ зэман лъандэрэ Сочэ щагъэкI ди адэжьхэм къащIэна пхъэщхьэмыщхьей жыг, абы зэи нэгъуэщI щIыпIэ фыщрихьэлIэнукъым - ар кхъужьщ! 
Адыгэхэм кхъужьыр зэрагъэкIыу щытам теухуауэ тхыгъэ гъэщIэгъуэн къытхуигъэхьащ Лыхь Тимур. 

Гавайи хытIыгухэм ящыщу Мауи къыщыхъуа мафIэс шынагъуэм цIыхушхуэ хэкIуэдащ. ЗэрыжаIэмкIэ, ахэр куэдкIэ нэхъыбэ мэхъу, ауэ нобэкIэ 122-ращ зи хьэдэ къагъуэтыжар. 
ШыщхьэуIум ипэхэм Гавайи и мэзхэр мафIэм зэщIищтат. Ар къызыхэкIауэ зыхуагъэфащэр иужьрей зэманым дунейр хуабащэу, жьапщэу зэрыщытарщ. Уэгъум къэлыба мафIэсыр напIэзыпIэм хытIыгум ирикIуащ, цIыхуи, псэущхьи, уни, машини щымысхьу. Уеблэмэ хыщхьэм тет кхъуафэжьей, кхъухь нэгъунэ зэтрисхьат, псым зыхэзыдзахэр дэIэпыкъуэгъу пэплъащ сыхьэт бжыгъэкIэ. 

ШыщхьэуIум и I5-м щегъэжьауэ Адыгэ Республикэм и телевиденэм и унафэщIу ягъэуващ Къэрэшей-Шэрджэсым щыщ журналист цIэрыIуэ Пхъэш Ашэмэз МуIэед и къуэр. Урысей Къэрал телерадиокомпанием и генеральнэ унафэщIым и къуэдзэ Сабитов Рифат АР-м къакIуэри, Пхъэшыр лэжьакIуэ гупым яригъэцIыхуащ. Ахэр хуэзащ Адыгейм и ЛIыщхьэ КъумпIыл Мурат. 

«Къэбэрдей-Балъкъэрым и транспорт системэм зегъэужьын» къэрал пэхуэщIэм хиубыдэу Бахъсэн къалэм и «Кооператор» хьэблэм Фрунземрэ (Эльрусскэ уэрамым къыщыщIэдзауэ Дружбэ уэрамым нэс) Лазомрэ (Гагариным и цIэр зезыхьэ уэрамым къыщыщIэдзауэ Свободэ уэрамым нэсыху) я цIэхэр зезыхьэ уэрамхэр зыхуей щыхуагъэзащ. Зы километрым щIигъу зи кIыхьагъ уэрамитIым асфальт тралъхьащ, бетон къэухьхэр щахъуэжащ, гъуэгу дамыгъэхэр тращIащ. А лэжьыгъэхэм хухахат сом мелуан 17,7-рэ. Лэжьыгъэхэр къезыхьэлIар «Дорстрой» IуэхущIапIэрщ.