|
Жылагъуэ
15 февраля, 2023 - 14:55
Мазаем и I4-м дуней псом щагъэлъэпIащ Интернет шынагъуэншагъэм и махуэр. Абы теухуат Урысей ФССП-м и Управленэу КъБР-м щыIэм щекIуэкIа зэIущIэр.
15 февраля, 2023 - 13:44
ЦIыхум и хуитыныгъэхэр хъумэнымкIэ уполномоченнэу КъБР-м щыIэ Зумакулов Борис Мустэфа и къуэр илъэс бжыгъэ куэдкIэ комсомол, парт лэжьыгъэхэм пэрытащ. 1980-1991 гъэхэм КПСС-м и Къэбэрдей-Балъкъэр обкомым секретару, етIуанэ секретару, япэ секретару щылэжьащ. 1985-1986 гъэхэм КПСС-м и ЦК-м и чэнджэщэгъуу Афганистан Республикэм щыIащ. КПСС-м и съездищым, ВЛКСМ-м и съездищым лIыкIуэу хэтащ.
15 февраля, 2023 - 12:55
Тыркум къыщыхъуа щIыхъейм и гуащIэгъуэм хиубыда, Хатай щIыналъэм хыхьэ Эрзин къалэм зыри щыхэкIуэдакъым, фэбжьи щигъуэтакъым, зэрыщыту къекъутэха уни яIэкъым. А псор илъэсиплI ипэкIэ къалэтету хаха, и IэщIагъэкIэ уэчыл Эльмасоглу Оккеш и фIыгъэу къалъытэ.
15 февраля, 2023 - 12:28
Мазаем и 15-р Афган зауэм хэкIуэдахэм я фэеплъ махуэщ. Советыдзэхэр Афганистаным къызэрырашыжрэ мы гъэм илъэс 34-рэ ирокъу. Языныкъуэхэм зэратхымкIэ, Амударья (Термез къалэм) псыежэхым иужьрей дыдэу къызэпрыкIыжат генерал-полковник, гупым я унафэщI Громов Борис. Ауэ ипэжыпIэкIэ Афганистаныр иужьрейуэ къэзыбгынауэ щытар гъунапкъэхъумэхэрщ, советыдзэхэм я щIыбагъым къыдэту. А Iуэхугъуэм Совет Союзым дежкIэ къигъэлъагъуэр зыт – илъэсипщIым нэблагъэкIэ екIуэкIа, совет цIыху мин 15-м зи гъащIэр зыхалъхьа Афган зауэр иухауэ арат.
15 февраля, 2023 - 09:28
«Псори ТекIуэныгъэм папщIэ!»
Апхуэдэ фIэщыгъэ зиIэ псапэ телемарафон КъБР-м и Музыкэ театрым мазаем и 17-м сыхьэт 14-м щыщIэдзауэ сыхьэт 18 пщIондэ щекIуэкIынущ. Iуэхур къызэригъэпэщащ урысейпсо цIыхубэ фронтым, зауэ операцэм щыIэ щIалэхэм зэрадэIэпыкъуну ахъшэ зэхадзэн папщIэ.
Абы хыхьэу республикэм и артист цIэрыIуэхэм концерт ятынущ. Псапэ Iуэхум QR код хэхамкIэ фыхэтыну Iэмал щыIэщ. Абы хыхьэу къыхахыну ахъшэмкIэ зауэ операцэм щыIэхэр зыхуэныкъуэхэм хухахынущ.
14 февраля, 2023 - 14:30
Урысей гвардием и Управленэу КъБР-м щыIэм и унафэщI, полицэм и полковник Васильев Сергей яхуэзащ я щхьэ IуэхукIэ къыхуэкIуахэм.
14 февраля, 2023 - 13:26
Зи гугъу фхуэтщIыну лIыхъужьыр къытхэтыжкъым. ЗэкъуэшитIрэ зэшыпхъуищрэ хъу мэкъумэшыщIэ унагъуэм къыхэкIат КIэрашэ Хьэжпагуэ Мурид и къуэр. Зи адэр пасэу зыфIэкIуэда бынунагъуэшхуэм я гуащIэр я гъащIэу къэтэджырт. Даухъан быным я нэхъыжьт, абы Хьэзритрэ Хьэтхъанрэ якIэлъыкIуэрт, Хьэжпагуэ еплIанэ бынт, я шыпхъу нэхъыщIэ дыдэр Лиуэзат. Дэтхэнэ къуажэдэсми хуэдэу, абыхэм щIы зэрахьэу, Iэщ зэрахуэу псэурт. IэщIыб ящIыртэкъым еджэнри.
14 февраля, 2023 - 10:55
Бгым къыщIах къулеигъэхэр щIым къыхагъэкъэбзыкIа нэужь, ар зэратхьэщIа псы фIейр щахъумэ, щызэхуахьэс щIыпIэм щхьэкIэ «хвостохранилище» жаIэ.
13 февраля, 2023 - 14:06
ЦIыхур щэкIуэн-щыпэным къыпыкIыу, кхъуэщын игъэжын, гъущIхэкIхэм ирилэжьэн зэрыщIидзэрэ куэд щIакъым – илъэс мини 6-7 хъуми аращ. Абы ипэIуэкIэ ящIа археологие ухуэныгъэхэмрэ фэеплъхэмрэ умылъыхъуэми хъунущ. Сыту жыпIэмэ, ахэр зэрищIын Iэщэрэ Iэмэпсымэрэ иIакъым цIыхум. Ауэ Тыркум щыIэ Гёбекли-Тепе Iуащхьэм къыщIатIыкIыжа ухуэныгъэм иужькIэ дунейпсо тхыдэр къиптхыкIыжми хъунущ… Абы илъэс мин 12 и ныбжьщ!
13 февраля, 2023 - 14:00
Къэбэрдей-Балъкъэрым ще¬кIуэкI «Ди сабийхэм я узыншагъэмрэ шынагъуэншагъэмрэ папщIэ» наркотикым пэщIэт профилактикэ акцэм, школакIуэхэмрэ абыхэм я адэ-анэхэмрэ папщIэ къызэрагъэпэщам адэкIи¬ пащэ. Апхуэдэ зэIущIэхэр ще¬кIуэкIащ Налшык къалэм и курыт еджапIэхэу №№ 2, 4, 5, 6, 7, 11, 14, 20, 24, 31-хэм. Абыхэм хэтащ класс нэхъыжьхэм щеджэу 2400-м щIигъу.
Страницы
|