|
Календарь событий
27 июня 2023
27 июня, 2023 - 17:55
Фестивалхэр
Пятигорск (Псыхуабэ) къалэм егъэджэныгъэмкIэ и «Машук» центрым мэкъуауэгъуэм и 23-м къыщызэIуахащ телевизионнэ фильмхэмрэ программэхэмрэ я 24-нэ, радиомрэ прессэмрэ я 17-нэ «Моя провинция» урысейпсо фестивалыр.
Фестивалыр 1999 гъэм ирагъэжьащ. Ар зи жэрдэмри фестивалым и президентри Фоминых Еленэщ. Ар щекIуэкIащ Борисоглебск (Воронежскэ област), Арзамас, Салехард, Сочэ, Улан-Удэ (Бурят Республикэ), Саяногорск (Хакасие Республикэ), Кострома къалэхэм.
27 июня, 2023 - 17:25
Политикэм куэдрэ къыщагъэсэбэпыркъым «къысхуэгъэгъу» псалъэр. Зэрыкъуэншар белджылыми, нэм къыщIэуэми, псалъэ тэрэфарэхэмкIэ икIи зыри къызэрымыкIхэмкIэ жэуапыр зыщхьэщах: зумыгъэумысмэ, зэфIэкIащ… Апхуэдэ Iэмалри къэзыгъэсэбэпыр КъухьэпIэрщ, псом хуэмыдэу абы ипщыж США-рщ. ЩIэукIытэн Iуэху сыт хуэдизрэ хэмыхуами, Вашингтон и напIэр хуадэркъым икIи езым игъэувыжа «улъэщмэ-ухейщ» хабзэм быдэу тетщ. Ар къыщежьари нобэкъым.
27 июня, 2023 - 16:16
ЦIыхур хъуапсэурэ, къэкIуэну зэманым ехьэлIа Iуэхугъуэхэр зэтриублэ, ауэ абы ищIэркъым нэху къемыкIынуми. Ди мурадыфIхэр зэшэзэпIэу къызэпызуд Iуэхугъуэхэм ящыщщ щIыуэпсым къыщыхъу, зыри узыпэмылъэщыну насыпыншагъэхэр. Абыхэм ди унэхэм я закъуэ мыхъуу, ди гъащIэри къызэтрагъэщащэ, алъандэрэ къэтпсэуар зыщыдгъэгъупщэу, гъащIэр щIэрыщIэу ухуэжын хуейуэ. ЦIыхум и нэгу щIэкIа псоми уахэплъэжмэ, щIыуэпс насыпыншагъэу зыбжанэ къыпхуэбжынущ, гущIэгъуншагъэрэ къарукIэ къытекIуэн уигъэлъыхъуэну.
27 июня, 2023 - 16:11
Урысейм и Социальнэ фондым и къудамэу Къэбэрдей-Балъкъэрым щыIэм 2023 илъэсыр къызэрихьэрэ зыуэ щыт пособиер хуагъэуващ сабий мини I06-м щIигъум я адэ-анэхэм, апхуэдэуи цIыхубз уэндэгъу мини 4,5-м.
ОСФР-м зыуэ щыт пособиер яхуегъэув социальнэ казначействэ мардэм тету. Аращи, ахъшэр къаIэрыхьэн папщIэ адэ-анэхэм, хабзэ зэрыхъуауэ, «Госуслуги» порталымкIэ лъэIур ятыну аращ. НэгъуэщIу абы пыщIауэ зыхуеину дэфтэрхэр ведомствэхэм я зэпыщIэныгъэхэмкIэ къапщытэ.
Къыхэдгъэщынщи, мазэ къэс иратыну пособиер зыхуэдизыр елъытащ унагъуэм и хэхъуэм икIи ар мэхъу:
27 июня, 2023 - 14:55
США-м и къэрал секретарь Блинкен Энтони Китайм и унафэщI Цзиньпин Си иджыблагъэ Пекин щыхуэза нэужь, жиIащ Тайваным и щхьэхуитыныгъэр зэрыдамыIыгъыр. Блинкен къызэрыхигъэщащи, Америкэр хущIэкъуркъым «зауэ щIыIэ» аргуэру къигъэхъуну, Китайм щыщыIэ щытыкIэми зыгуэркIэ зрагъэхъуэжыну.
КъэралитIми я зэхуаку дэлъ зэхущытыкIэр ефIэкIуэжыну зиукъэбзыжыну зэрыщыгугъыр, абы папщIэ Китайм и хабзэхэр къилъытэну Америкэм зэрикъалэныр Цзиньпин Си къыхигъэщащ.
27 июня, 2023 - 13:06
УФ-м и лIыкIуэу Анкара щыIа Карлов Андрей 2016 гъэм езыгъэукIауэ щытар, зэрыхуагъэфащэмкIэ, Алсанджак Темельщ. Ар США-м и Техас штатым щопсэу. Апхуэдэ тхыгъэ къытехуащ «Sabah» тырку газетым. А газетым зэрыжиIэмкIэ, Алсанджак Темель компание нэпцIу плIы тыркум къыщызэригъэпэщащ. Ахэр лIыукI Iуэхум хэтынымкIэ сэбэп хъуахэщ.
27 июня, 2023 - 12:30
«Къуэ» псалъэм къытепщIыкIахэр
Къуэ - куууэ псым диха щIыналъэ, уэх;
КъуэтIыхь - быдапIэм и хъуреягъкIэ Iуащхьэ лъагэу зэтетхъуауэ къекIуэкI шытх, быдапIэр къызэратIыхь къуэ;
КъуэтIыгъэ - (жьы хъуа псалъэщ) - зыгуэрым и кIыхьагъкIэ ирикIуэу датIыкIа щIытI;
Къуэшыхь - куууэ дэкI къуэм и кIэух, и лъэныкъуитIымкIи джабэ къыIуту;
Къуае - къуэ дыхьэгъуей;
КъуакIэ, къуэкIий - къуэ дэха, дэуда;
27 июня, 2023 - 12:00
Къэбэрдей-Балъкъэр республикэм ипсхэм къалэнышхуэхэр ягъэзащIэ: жыг-хадэхэм щIагъэлъадэ, гидроэлектростанцхэр тращIыхь. Апхуэдэу, республикэм игъэкIуэд электракъарум щыщу процент 30-р ди гидроэлектростанцхэм хуозэ. Ар къыщIах Бахъсэн, Аушыджэр, Къэщхьэтау ГЭС-хэм. Къыхэгъэщыпхъэщ, ди щIыналъэм псыуэ щежэхыр электрокъару къыщIэхыным зэрытекIуадэр.
27 июня, 2023 - 11:00
БдзакIуэшыр - бдзэжьей - пузанок
27 июня, 2023 - 10:00
КъардэнгъущI Зырамыку зэхуихьэсыжа тхыгъэхэм щыщщ
ЕтIуанэ Iыхьэ
Кушыку и гупыр я Iэщэхэм епхъуат, щIалэр яукIыну.
- Щывгъэт! КIуэ тIасэ, лIыгъэ уиIэщ! - жиIэри, зэанэзэкъуэр я гъуэгу тригъэувэжащ. ЩIалэр Кушыку и пщIантIэм дыхьэри и хьэщIэщым щIыхьащ.
«Пщы уэлийр дэс!» - жиIэу щыщIэупщIэм: «Мэзым щIыхьауэ тхьэмахуитI хъуауэ мэщакIуэри щIэтщ», - къыжраIащ.
27 июня, 2023 - 09:30
Медицинэ щIэныгъэхэмкIэ доктор Алякринский Борис къызэрихутамкIэ, цIыху Iэпкълъэпкъым щыщ пкъыгъуэ 400-р сыхьэтым хуэдэу зэтеухуауэ мэлажьэ.
27 июня, 2023 - 09:00
Мэкъуауэгъуэм и 27, гъубж
♦Урысейм и щIалэгъуалэм я махуэщ
♦Бдзэжьей ещэным и дунейпсо махуэщ
♦Тропик мэзхэр хъумэным и дунейпсо махуэщ
♦1979 гъэм «КъБР-м и цIыхубэ тхакIуэ» цIэ лъапIэр ягъэуващ.
♦1968 гъэм къалъхуащ тхыдэ щIэныгъэхэмкIэ доктор, ЩIДАА-м и академик Хьэткъуэ Самир.
Дунейм и щытыкIэнур
|