Календарь событий

Нэхъапэм, гъэмахуэ зыгъэпсэхугъуэхэм зэрыщIидзэу школым къаутIыпща цIыкIухэр, экзамен зыт 8-10-нэ классхэм щIэсхэм фIэкIа къэмынэу, тхьэмахуитIкIэ колхозым и нартыхупкъэхэм пщIакIуэ яшэрт, ар псоми къалэну ятелъу. А пIалъэр зэфIэкIа нэужь, колхозым пщIэкIэ хуэлэжьэну хуейхэм папщIэ производственнэ бригадэхэр къызэрагъэпэщырти, гъэ еджэгъуэм щIидзэжыху губгъуэхэм щылажьэрт, питомникхэм пхъэщхьэмыщхьэ пасэхэр, хадэхэкIхэр къыщрахьэлIэжырт. Къэралыр лъэлъэжа нэужь, а псори кIуэдыжащ.

Теннис

Дыжьынрэ домбеякърэ Осетие Ипщэм къраш

Къэбэрдей-Балъкъэрым и теннисистхэм медалитI къыщахьащ Цхвинвал щекIуэкIа дунейпсо зэхьэзэхуэм.

Абхъазым зыгъэпсэхуакIуэ кIуэхэм ящыщу лъэпкъ хабзэхэр къизымыдзэхэм ткIийуэ щабгъэдыхьэнущ мы гъэм шыщхьэуIум и 1-м къыщыщIэдзауэ  икIи абыхэм етхьэкъунущ сом мини 6-кIэ. А лъэпкъым и хабзэухуэхэм къызэралъытамкIэ, апхуэдэ унафэр хуэунэтIащ щIэблэр щапхъэ мыхъумыщIэхэм щыхъумэнымрэ  игъащIэ лъандэрэ къадекIуэкI  хабзэхэм (апсуарэхэм) щIэпIыкIынымрэ.

         Къэрал кIуэцI IуэхухэмкIэ министерствэу КъБР-м щыIэм щызэхэтащ  «Динамо» спорт зэгухьэныгъэр илъэсищэ зэрырикъум теухуа гуфIэгъуэ зэIущIэ.

         Абы кърихьэлIат республикэм и хабзэхъумэ IэнатIэхэм я унафэщIхэр, «Динамо» зэгухьэныгъэм и лIыкIуэхэмрэ ветеранхэмрэ.

ШколакIуэхэм я гъэмахуэ зыгъэпсэхугъуэ лъэхъэнэм, сыт щыгъуи хуэдэу, еджапIэхэм щокIуэкI ухуэныгъэ-зэгъэпэщыжыныгъэхэр. Апхуэдэу, Тэрч щIыналъэм хыхьэ курыт школи 8-м щаублащ абы хуэгъэза лэжьыгъэхэр.

Налшык дэт универсальнэ спорткомплексым щокIуэкI «Бгыхэм я таурыхъ» зыфIаща, художественнэ гимнастикэмкIэ урысейпсо зэхьэзэхуэр. Апхуэдэ хъыбар къитащ республикэм художественнэ гимнастикэмкIэ и федерацэм и вице-президент Коротковэ Наталье.

Зэхьэзэхуэм щагъэджэгуну саугъэтхэм махуитхум къриубыдэу щIэбэнынущ ди къэралым и щIыналъэ 28-м къикIа бзылъхугъэ 550-м нэблагъэ. Гимнасткэхэм топыр, уэрдыхъур, Iэпэ башыр, лентIыр, кIапсэ елъэр зэрагъэIэрыхуэмкIи нэгъуэщIхэмкIи я зэфIэкIым еплъыжынущ.

Налшык щекIуэкIащ спорт гимнастикэмкIэ сабийхэм я щIыналъэ зэхьэзэхуэ. Ар Олимп джэгухэм дыжьын, домбеякъ медалхэр къыщызыхьа Продуновэ Еленэ и цIэкIэ къызэрагъэпэщат. Зэпеуэм хэтащ ди къэралым и щIыналъэ 26-м къикIа ныбжьыщIэ 400-м нэблагъэ.

А зэхьэзэхуэм Къэбэрдей-Балъкъэрым и спортсмен цIыкIухэм ехъулIэныгъэфI къыщагъэлъэгъуащ. Хабзэ зэхуэмыдэхэм тету утыку къыщихьа КъарэцIыкIу Айшэ, Щад Эвелинэ, Хортиев Эмиль, Цой Дамир сымэ япэ увыпIэр къахьащ.

Ставрополь крайм щекIуэкIащ Кавказ Ищхъэрэ федеральнэ щIыналъэм щыщхэм каратэ-киокушинкаймкIэ я зэхьэзэхуэ. Абы хэтащ щIыналъэм къикIа спортсмен 300-м нэблагъэ.

Къэбэрдей-Балъкъэрым и командэ къыхэхам щыщу, я хьэлъагъ елъытауэ, япэ увыпIэр къахьащ Шыд Ислъам (кг 47-рэ), Бейкъул Имарэ (кг 60), Конторин Роман (кг 40), Хомченкэ Валерэ (кг 37-рэ) сымэ. А зэпеуэм дыжьын медаль къыщихьащ Джатэ Эльдар (кг 55-рэ).

НыбжьыщIэхэр зэхьэзэхуэм хуагъэхьэзыращ Биткашевхэ Давидрэ Емельянрэ.

НАФIЭДЗ Мухьэмэд.

Ещанэ Урысейпсо онлайн къэпщытэныгъэм кърикIуахэр иджыблагъэ къапщытэжащ. Ар къызэрагъэпэщащ икIи ирагъэкIуэкIащ «Къалэ псэупIэхэм я зэIузэпэщагъыр» лъэпкъ проектым ипкъ иткIэ - мэлыжьыхьым и 15-м къыщыщIэдзауэ накъыгъэм и 31-рэ пщIондэ. Мы гъэм дизайн проектхэр къыхэхыным хуэгъэза IэIэтым хэтащ Къэбэрдей-Балъкъэрым щыпсэу цIыху мин 75-рэ. Ар нэгъабэ елъытауэ 1500-кIэ, 2021 гъэм елъытауэ 15000-кIэ нэхъыбэщ.

   Псоми я зэхуэдэ пэжу къэплъытэ хъуну къыщIэкIынщ цIыхур цIыху хуэдэу, и напэр къабзэрэ и бзэр дахэу дунейм тетын зэрыхуейр. АрщхьэкIэ зэ еплъыгъуэкIэ тыншу къыпщыхъу апхуэдэ дуней тетыкIэр къызэмыхъулIэхэри мащIэкъым. Сыту пIэрэ атIэ абы и щхьэусыгъуэр? Апхуэдэ гупсысэм щIэмычэу игъэпIейтейхэм ящыщщ жыIэгъуэхэр щызэхуэхьэса  «Чэнджащэ щыуэрейкъым» тхылъыр зи Iэда­къэщIэкI ГубэщIыкI Влади­мир. Ар зэуэ наIуэ пщохъу абы и жыIэгъуэхэм щыгъуазэ зыхуэпщIа нэужь. Ар  яужь иткъым псори дигъэсэжынуи, зы­ми ди акъыл здынэмыса гуэр езым ищIэу зыкъытфIигъэ­щIынуи.

КъБР-м и Iэтащхьэ КIуэкIуэ Казбек и унафэкIэ, Херсонрэ Белгородрэ ирагъэшащ гуманитар дэIэпыкъуныгъэу тонни120-м щIигъу. Ерыскъыпхъэхэр, псыхэр, цIыхур япэу зыхуэныкъуэ хъу нэгъуэщI хьэпшыпхэр зи гугъу тщIа щIыналъэхэм яхуегъэшэныр къызэрагъэпэщ зауэр зылъэIэса щIыпIэхэм щылажьэ «Урысей Зэкъуэт партым и щIыналъэ къудамэхэм.

ЩытыкIэ гугъум къихута цIыхухэм хурагъашэ псори къахуэщхьэпэнущ. Псом хуэмыдэу, апхуэдэ дэIэпыкъуныгъэм хуэныкъуэнухэм ящыщщ бзаджащIэхэм якъута Кахов ГЭС-м пэгъунэгъуу псэуахэр а къэхъукъащIэм и зэранкIэ а щIыпIэм иIэпхъукIын хуей хъуащ.

КъыдэкIуэтей щIэблэр театр гъуазджэм дегъэхьэхыным теухуауэ ди къэралым пэхуэщIэ  купщIафIэхэр къыхилъхьащ. Куэд зэрыщыгъуазэщи, иужьрей зэманым цIыхухэм IэщIыб ящIу хуежьащ тхылъыр, театрыр, н. къ. Апхуэдэ Iуэху бгъэдыхьэкIэм псэкупсэ къулейсызыгъэ къахуехь лъэпкъым и къэкIуэнур зей щIалэгъуалэм.

             КъБР-м щыIэ МВД-м Наркотикхэр зэрызэрагъэкIуэкIым кIэлъыплъынымкIэ и управленэм и лэжьакIуэхэмрэ Налшык къалэм и УМВД-м балигъ мыхъуахэм я IуэхухэмкIэ и инспекторхэмрэ хэтащ «Къызэдэжэ гуапэ» социальнэ акцэм. 

НыбжьыщIэхэм дзюдомкIэ я  республикэпсо зэхьэзэхуэ Налшык  и «Спартак» стадионым щекIуэкIащ.

Ар къызэрагъэпэщат «Спортыр наркотикым и бийщ» зыфIаща Урысейпсо акцэм ипкъ иткIэ. А зэпеуэм хэтащ 20I4 гъэм къалъхуа сабий 84-рэ.

Япэ увыпIэхэр къахьащ Мэкъуауэ Самир, Амщокъуэ СулътIан, Бегиев Джалил, Башиев Сулеймэн, Урыс Мухьэмэд, Дэрахъэ Дамир, Дэрахъэ Амир, Тау Азэмэт, Геграев Муслъим, Хьэмыкъуэ Марат сымэ.

ЕтIуанэ хъуахэщ Таучэ Саид, Ерокъуэ Имран, МгъуэлI Эмир, Ало Уэсмэн, Щыхъалы Бэчыр, Бжьахъуэ Искандер, Сидакъ Искандер, Смолкэ Артем, Нэгъуей Азнаур, КIыщ Алихъан.

Адыгэ лъэпкъхэм ящыщу беслъэнейхэр Псыжь адрыщIкIэ щежэх Инжыдж, Уарп, Лабэ псышхуэхэм я Iуфэхэм Iусыгъащ, нобэми аращ.

Мэкъуауэгъуэм и 22,  махуэку

         Хэкур яхъумэурэ хэкIуэдахэм я фэеплъ махуэщ. 1941 гъэм Хэку зауэшхуэр къэхъеящ.

         1967 гъэм Налшык ПТУ №7-м и цIыхубз спортсменкэ 15 ди республикэм и къалащхьэм щежьэри, лъакъуэрыгъажэкIэ Ленинград кIуэну гъуэгу техьащ.

         1939 гъэм къалъхуащ щIэныгъэлI, жылагъуэ лэжьакIуэ, Социалист Лэжьыгъэм и ЛIыхъужь Залиханов Михаил.