|
Жылагъуэ
10 сентября, 2022 - 08:00
Къэбэрдей-Балъкъэр Республикэм и махуэгъэпсым Къэралыгъуэм и махуэм увыпIэ щхьэхуэ щеубыд. Ар ягъэлъэпIэн щIадзащ 1921 гъэм фокIадэм и 1-м, РСФСР-м и ВЦИК-м и унафэкIэ Къэбэрдей округыр Бгырыс АССР-м къыхагъэкIыжу Къэбэрдей автоном область къыщызэрагъэпэщам щегъэжьауэ. ИужькIэ ар Къэбэрдей-Балъкъэр автоном областым хуэкIуэжащ. Автономие щхьэхуэ зэрыхъуам хуэгъэпса махуэшхуэ зэхыхьэхэр щрагъэкIуэкIыну махуэр илъэс къэс ягъэувырт абы теухуауэ къыдагъэкI унафэ пыухыкIам тету. Ауэ, 1997 гъэм, КонституцэщIэр къыщащтэм ирихьэлIэу, республикэм и Парламентым фокIадэм и 1-р КъБР-м и Къэралыгъуэм и махуэу игъэуващ икIи унафэ ищIащ дяпэкIэ ар махуэшхуэу (мылэжьэгъуэ махуэу) къалъытэну.
10 сентября, 2022 - 07:35
Къэбэрдей-Балъкъэр Республикэм и илъэси 100 махуэшхуэм ирихьэлIэу екIуэкI Iуэхухэм хэтыну щIыналъэм хьэщIэ куэд къыхуоблагъэ. Абыхэм ящыщщ УФ-м и сенатор, Урысейм и ЛIыхъужь, алыдж-урым бэнэкIэмкIэ щэнейрэ олимп чемпион хъуа Карелин Александр, гандболымкIэ олимп чемпион, Ставрополь щIыналъэм и Думэм Экономикэм зегъэужьынымрэ уней мылъкухэмкIэ и комитетым и унафэщIым и къуэдзэ Лавров Игорь, велоспортымкIэ олимп чемпион, СССР-м спортымкIэ щIыхь зиIэ и мастер Шыхъуэ Борис.
10 сентября, 2022 - 07:35
Ди республикэр къызэрызэрагъэпэщрэ илъэси 100 щрикъум, Урысейм ис лъэпкъхэм я щэнхабзэм и Iэужьым и илъэсым, РСФСР-м, КъБАССР-м я цIыхубэ артист ТIыхъужь Алий къызэралъхурэ илъэси 105-рэ щыхъум ирихьэлIэу, Нартан дэт Щэнхабзэ уардэунэм ТIыхъужь Алий и цIэр фIащащ.
9 сентября, 2022 - 08:19
Полицэм и генерал-полковник, УФ-м къэрал кIуэцI IуэхухэмкIэ и органхэм щIыхь зиIэ я лэжьакIуэ КIуэкIуэ Юрий Александр и къуэр зи IуэхущIафэкIэ зи пщIэр къэзылэжьыжа, жэуаплыныгъэ зыхэлъ цIыхущ.
9 сентября, 2022 - 07:00
ЩIэныгъэлIхэм къызэрахутамкIэ, дызыщыпсэу ЩIымрэ Дыгъэ системэм хиубыдэ вагъуэхэмрэ адрей планетэхэмрэ илъэс меларди 4,6-рэ ипэкIэ къэунэхуащ. ЦIыхум и гъащIэм къыщыхъу къызэрыгуэкI Iуэхухэм пыщIащи, гу лъитэркъым къэзыхъуреихь дунейм къыщыхъу телъыджэхэм, хищIыкIыркъым абы епха щIэныгъэ гъэщIэгъуэным. ЦIыхур хьэршым и гъунапкъэ жыжьэхэм нэплъысащ. ИкIи планетэ мелард бжыгъэхэм ящыщу ЩIы закъуэращ гъащIэ здэщыIэу къыщIэкIари. Ар, дауи, телъыджэщ. Ауэ, абы нэхърэ нэхъ гъэщIэгъуэныж куэд къыщохъу езы ЩIыми...
ЯпэщIыкIэ ЩIым и ухуэкIэм зэ дриплъэжынщ.
8 сентября, 2022 - 09:54
«ЩIыхьым и дамыгъэ» орденызрата, КъБР-м щIыхь зиIэ и дохутыр, категорие нэхъыщхьэ зиIэ дохутыр Джэрыджэ Розэ Азрэт и пхъур илъэс 50-м щIигъукIэ Республикэ онкологие диспансерым щылэжьащ.
8 сентября, 2022 - 08:00
1. Тхылъи 5-м ит информацэр цIыху щхьэкуцIым и зы налъэм (клеткэм) йозагъэ;
2. ЖьакIэ зэраупс лезвэ хуогъэткIу лъатэпсым;
3. ЩхьэкуцIым къикI импульсыр апхуэдизкIэ псынщIэщи, километр 274-рэ зы сыхьэтым къызэпичыфынут машинэу щытатэмэ;
4. Iэпкълъэпкъым пкърылъ углеродым къэрэндащ 900 къыпхухэщIыкIынут;
5. Уи Iэпкълъэпкъым щыщу налъэ мин 50 зэпкърыхури, апхуэдиз къигъэщIыжащ мы псалъэухам укъеджэху;
6. ЦIыхубзым и гур нэхъ псынщIэу къоуэ, цIыхухъум ейм нэхърэ;
7. ЦIыхум пщIыхьэпIэу илъагъум и процент 90-р щогъупщэж;
8 сентября, 2022 - 07:00
Ди лъахэм и зыужьыныгъэм куэд хэзылъхьа, ноби хэзылъхьэ политик цIэрыIуэу Къэбэрдей-Балъкъэрым и тхыдэм хэуващ Урысей Федерацэм и Федеральнэ Зэхуэсым ФедерацэмкIэ и Советым Къэбэрдей-Балъкъэр Республикэм къыбгъэдэкIыу сенатору щыIэ, ЩIэныгъэхэмкIэ Дунейпсо Адыгэ Академием и тхьэмадэ Къанокъуэ Арсен Башир и къуэр.
7 сентября, 2022 - 17:38
Къэбэрдей-Балъкъэр Республикэм и къэралыгъуэр илъэси 100 щрикъум ирихьэлIэу «Къэбэрдей-Балъкъэрым и Профсоюзхэм я зэгухьэныгъэм» и Советым и VI зэIущIэр иджыблагъэ Налшык къалэ щекIуэкIащ. Абы къыщащта унафэм ипкъ иткIэ, Кулиев Къайсын и цIэр зезыхьэ уэрамым тет, Профсоюзхэм Щэнхабзэмк1э я унэр Налшык къалэ иратыж, унапIэри ар зытет щIыгури къалэ мылъку мэхъу.
7 сентября, 2022 - 16:36
ПIалъэ кIыхькIэ Плутоныр ялъытащ ебгъуанэ планетэу.
Страницы
|