|
|
Жылагъуэ
28 апреля, 2023 - 11:33
НэхъапэIуэкIэ и гугъу фхуэтщIауэ щытащ метр 4200 - кIэ Iэтауэ Iуащхьэмахуэ джабэм кIэрыт «Приют 11» альпинист хьэщIэщым иращIэкIыну лэжьыгъэхэм.
27 апреля, 2023 - 13:35
Адыгейм и бгы нэхъ лъагэ дыдэхэм хабжэ зи джабэщIыр мэзылъэрэ зи щхьэкIэр къырылъэ Iуащхьэхэу Iэбагъуэрэ ТIыбгрэ.
Зэрыщыплъагъур дапхуэдэу атIэ, ахэр? – жыфIэрэ фыщIэупщIэмэ, жэуапри хьэзырщ: Мейкъуапэ укъыдэкIарэ псышхуэми (Щхьэгуащэ) убгъурыту, къуршхэр здэщыIэ лъэныкъуэмкIэ дэбгъэзеяуэ ущыкIуэкIэ, и ныджащхьэм узэрынэсу, къуэкIыпIэмкIэ хуэсэмэгу щIыкIэу плъэмыкIыу уезыгъэплъэкI джабэ нэкIу абрагъуэхэу жыг гуэрэныбэм щIигъэнахэм къахэлыдыкIыущ.
ТIыбг и Iэхэлъахэм
27 апреля, 2023 - 11:55
Дызэрыбауэ хьэуам и зэхэлъыкIэм уегупсысыну гъэщIэгъуэнщ. Ар зищIысым, щынэхъ къабзэм, щынэхъ псыIэм, нэгъуэщIхэми ятеухуауэ щIэныгъэм жиIэм деплъынщ.
- Махуэм къриубыдэу цIыхум мин 22-рэ жьы жьэдешэ. Ар кубометр12м ноблагъэ. Хьэуауэ жьэдэтшэм и Iыхьэ плIанэм ди щхьэ куцIыр егъэнщI.
- Хьэуам лъышэу (кислороду) хэтым нэхърэ азоту хэтыр зыкъомкIэ нэхъыбэщ. Азотыр процент 78-рэ, лъышэр - процент 21-рэ мэхъу. Хьэуам хэтщ нэгъуэщI газ лIэужьыгъуэхэри: углекислый газ, неон, водород. Ауэ ахэр мащIэ дыдэщ.
27 апреля, 2023 - 11:13
КъБР-м и цIыхубэ артист, уэрэджыIакIуэ цIэрыIуэ Къуныжь Хьэждал Шэджэм щIыналъэм хыхьэ Нартан къуажэм къыщалъхуащ I93I гъэм мазаем и 3-м. Езым къиIуэтэжауэ зэрыщытащи, уэрэд жыIэным Хьэждал дезыгъэхьэхар и адэ ТIатIущ. Абы уэрэдыжьхэр дахэу жиIэрт, ахэр Хьэждал и гум ириубыдэрт, апхуэдэурэ, гукъэкI ищIат езым хузэфIэкIми еплъыжыну. И ныбжьэгъухэм яхэсмэ, гуп яхэтмэ, уэрэд зэпэдзыжхэр къыхадзамэ, фIэфIу ядипхъуатэрт. Къуныжьым япэу игъэзэщIахэм ящыщщ «Андемыркъан» и уэрэдыр. Зыми пимыщIу, жиIэрейуэ щытащ цIыхубэми фIыуэ яригъэлъэгъуа «СыныпхуокIуэж» уэрэдыр...
27 апреля, 2023 - 10:31
УФ-м хамэ къэрал IуэхухэмкIэ и министр Лавров Сергей мэлыжьыхьым и 24-м Нью-Йорк кIуащ ООН-м ШынагъуэншагъэмкIэ и Советым иригъэкIуэкIыну зэIущIэшхуэм хэтыну. Абы къыщыпсалъэу министрым жиIащ КъуэкIыпIэ къэралхэр и лъэныкъуэ къищIын папщIэ КъухьэпIэр Украинэм ирисондэджэру.
США-мрэ европей къэралхэмрэ я апхуэдэ Iуэху бгъэдыхьэкIэр къыхокI КъуэкIыпIэм я Iуэхур къызэрыщимыкIыжым. Дуней псом унафэ щащIрэ, лъэпкъ мащIэхэм къадекIуэкI щэнхабзэр, я дуней тетыкIэр къызэрырамыдзэм зрагъэхъуэжыну ахэр зэрыхущIэмыкъум я зэран езыхэм къокIыж.
27 апреля, 2023 - 09:44
Кавказыбгхэр телъыджэу дахэщ, уэсыщхьэщ, уардэщ, абрагъуэщ. Абыхэм егъэлеяуэ щIыпIэшхуэ яубыду зашэщI. ЩIэныгъэлIхэм зэрыхуагъэфащэмкIэ, Кавказыбгхэр къэхъуащ илъэс мелуан 25-рэ хуэдиз япэкIэ.
27 апреля, 2023 - 08:34
ЗэрытщIэщи, УФ-м и Президентым и унафэкIэ 2023 гъэр ЕгъэджакIуэмрэ унэтIакIуэмрэ я илъэсу ягъэнэхуащ. А жэрдэмым ипкъ иткIэ, IэнатIэм лэжьыгъэшхуэ щекIуэкIынущ, егъэджакIуэ пэрытхэм методикэ и лъэныкъуэкIэ я лэжьыгъэм халъхьэ щIэщыгъуэхэр щагъэунэху зэхьэзэхьэхуэхэр къызэрагъэпэщынущ, щIэблэм щIэныгъэ ябгъэдэлъхьэнымкIэ къагъэсэбэп гъэщIэгъуэнхэр утыку къихьэным хуэунэтIа дерс зэIуха зэмылIэужьыгъуэхэр зэхашэнущ. Къэбэрдей-Балъкъэрри а Iуэхугъуэм еджэныгъэм пыщIа пэхуэщIэ (проект) щэ ныкъуэ хуэдизкIэ пежьэну и гугъэщ.
27 апреля, 2023 - 08:00
Iуащхьэмахуэ щIыналъэм щаухуэ псы къагъэсэбэпар къызэрыдаш коллекторыщIэ.
Иджырей мардэхэм тету кърахьэлIэ лэжьыгъэм къыщагъэсэбэп пкъыгъуэхэр щыIэхэм я нэхъыфIщ. Линэр яукъуэдиинущ Азау хуейм къыщыщIэдзауэ Эльбрус къуажэм нэсыху. Илъэс блэкIам и кум яубла ухуэныгъэр, щIыпIэр мывалъэу зэрыщытми емылъытауэ, псынщIэу икIи сыт и лъэныкъуэкIи зыхуей хуэзэу зэфIагъэкIыным яужь итщ.
27 апреля, 2023 - 07:53
Къэбэрдей-Балъкъэрым и Iэщыхъуэхэм иджыпсту щыщIэдзауэ зыхуагъэхьэзыр Iэщыр гъэмахуэ хъупIэхэм зэрашэным.
Накъыгъэ - мэкъуауэгъуэ мазэхэм яублэ а Iуэхум ирихьэлIэу ди мэкъумэш IэнатIэхэм, Iэщ гъэхъуным елэжь уней хозяйствэхэм хъупIэм яшэну Iэщышхуэхэр, мэл, шы гуартэхэр къыхах.
А лъэхъэнэм нэмысу, республикэм и Ветеринар IуэхущIапIэ нэхъыщхьэм и дохутырхэм Iэщхэм я узыншагъэр зыхуэдэр къапщытэ, эпизоотикэ вакцинэхэр зыхуэщIыпхъэхэр ягъэбелджылы.
27 апреля, 2023 - 07:00
Тэрч щIыналъэм и унафэщIхэм зэфIэкIыу яIэр ирахьэлIэ гъуэгухэр зыхуей хуэгъэзэным ехьэлIа лъэпкъ пэхуэщIэр IэужьыфIэу гъэзэщIэным.
Абы хиубыдэу Инарыкъуей, Курп Ипщэ жылэхэм километри 4 зи кIыхьагъ гъуэгур щызэрагъэпэщыжащ: асфальтыщIэ тралъхьащ, лъэс зекIуапIэхэр къагъэщIэрэщIэжащ, уэрам зэпыхьэпIэхэм ягъуэта сэкъатхэр ягъэзэкIуэжащ, иджырей светодиоднэ светофорхэр щагъэуващ, гъуэгур и кIыхьагъкIэ къагъэнэхуащ.
Страницы
|
